July 29, 2009 - Reading time: ~1 minute

Elentári ar Ulmo, nai tiruvaldet mi sérë, or ar nún.

(thanks, Tevildo)


Markirya

February 19, 2009 - Reading time: ~1 minute

Man cenuva fána cirya
métima hrestallo círa,
i fairi nécë
ringa súmaryassë
ve maiwi yaimië?

Man tiruva fána cirya,
wilwarin wilwa,
ëar-celumessen
rámainen elvië
ëar falastala,
winga hlápula
rámar sisílala,
cálë fifírula?

Man hlaruva rávëa súrë
ve tauri lillassië,
ninqui carcar yarra
isilmë ilcalassë,
isilmë pícalassë,
isilmë lantalassë
ve loicolícuma;
raumo nurrua, undumë rúma?

Man cenuva lumbor ahosta
Menel acúna ruxal’ ambonnar,
ëar amortala,
undumë hácala,
enwina lúmë
elenillor pella
talta-taltala
atalantië mindonnar?

Man tiruva rácina cirya
ondolissë mornë
nu fanyarë rúcina,
anar púrëa tihta
axor ilcalannar
métim’ auressë?

Man cenuva métim’ andúnë?

—J.R.R. Tolkien

{x}


January 26, 2009 - Reading time: ~1 minute

Nae, i melda endenyo en avánies. Milyan sen Endoressë, nán seriro númessë Aman.